واه لو يعرف انا بحبه قد ايه

اه لو يعرف انا بحبه قد ايه
من يوم ما جت عيني في عنيه
وانا روحي وقلبي رايحين ليه
وبقيت علي طول مشغول عليه
بحبه حب اه لو يحس بيه
ده عملي ايه اللي يجازيه
سحرني دوبني فيه

شفته مره خطفني مني شغلي قلبي وروحي
بقيت اشوفه حياتي واملي والدوا لجروحي

ولما جيت لحد عنده كلمته وقف قلبي في دقاته
حسيت اني مش ملكي وقلبي بقي مش عايش حياته

ايه جرالي دوبني كده غيرني كده معقوله من مره شفته
امال لو كنت معاه كان جرالي ايه لو قابلته وكلمته

كان ايه حصلي لو لمست ايديه وعشت عمري معاه
انا بجد مالي مشغول عليه وبفكر فيه وعشانه واقفه الحياه

نفسي يعرف انه بقلبي وانه بقالي حياتي وعمري وجوه قلبي
اه لو انادي ويسمعني وقلبو يطاوعني ويحس بشوقي وحبي

كان جاني نداني وقاللي حبيتي بحبك انت
عايزك تفضلى معايا عمري وسنين متسبنيش لوحدي للايام

وانا كنت قلت ووعدته اني هحبه لو ايه جرالي ومش هيغيرني الزمان
وهعيشله بقلبي وروحي وعمري هعيش اخلصله بكل وفا وحنان

بس انا مستني القدر يجمعني بيه ويقربنا من بعض وبقول يارب اكرمني
بيه وبحبه دانا بحبه وشايفه كل حياتي ومنايا لو منه تقربني

واه لو يعرف انا بحبه قد ايه
من يوم ما جت عيني في عنيه
وانا روحي وقلبي رايحين ليه
وبقيت علي طول مشغول عليه
بحبه حب اه لو يحس بيه
ده عملي ايه اللي يجازيه
سحرني دوبني فيه